Krimi i urrejtjes anti-semite

Anti-semitizmi ka prekur komunitetet hebraike me mijëra vite, dhe gjeti shprehjen e tij më brutale në Holokaust, gjatë të cilit u vranë miliona hebrenj. Pavarësisht mësimeve që duhen nxjerrë nga kjo ngjarje e tmerrshme, anti-semitizmi vazhdon të pllakosë komunitetet hebraike edhe sot, duke u shtrirë nga teoritë e konspiracionit deri te diskursi jotolerant. Shumë shpesh, kjo intolerancë mund të kthehet në krime urrejtjeje antisemite, duke përfshirë sulmet e dhunshme kundër hebrenjve. Ndikimi i këtyre krimeve mund të bëjë që personat hebraik të kenë frikë të marrin pjesë në shërbimet fetare, të mbajnë veshje ose simbole fetare, ose që ata t’i shmangen identifikimi publik si hebrenj qoftë kulturalisht ose për nga identiteti fetar. Kërcënimi që paraqesin krimet e urrejtjes anti-semite mund të detyrojë madje popullin hebraik të emigrojë. Anti-semitizmi nuk prek vetëm hebrenjtë, por mbarë shoqërinë. Ekzistenca e tij gjithashtu nxjerrë në pah prirje më të gjera të intolerancës ndaj grupeve të tjera, dhe të gjithë kanë një rol për të luajtur në luftën kundër kësaj dhe të gjitha formave të intolerancës.